ယခုရက်ပိုင်းအတွင်း သုံးပင်းကွင်းရပ်ကွက်အုပ်ချုပ်ရေးမှူးနှင့် မီးသတ်တပ်ဖွဲ့ဝင်များက ညပိုင်းကိစ္စတခုတခုဖြင့် သွားလာသူ သာမန်အရပ်သားများကို ရပ်ကွက်ရုံးသို့ ခေါ်ဆောင်ကာ ဒဏ်ငွေရိုက်ပြီး ငွေကောက်နေခြင်းဖြစ်သည်။
အဆိုပါ ဒဏ်ငွေရိုက်ငွေတောင်းသည့် ကိစ္စနှင့်ပတ်သက်ပြီး ဒေသခံတဦးက “ညပိုင်းကိစ္စနဲ့အပြင်ထွက်လို့ ည (၁၀)နာရီကျော်သွားရင် မှောင်ပြီး လူပြတ်တဲ့နေရာတွေမှာ တွေ့တဲ့လူကို မှောင်ရိပ်ခိုမှုဆိုပြီး မီးသတ်ကဖမ်းပြီး ရပ်ကွက်ရုံးကို ခေါ်သွားခံရတာ။ အဲဒီရောက်ရင် စက်ဘီးနဲ့ ခြေလျင်သမားဆိုရင် ဒဏ်ငွေ ၅၀၀၀၊ ဆိုင်ကယ်သမားဆို ၁၅၀၀၀ ရပ်ကွက်အုပ်ချုပ်ရေးမှူး ဦးစိုးသိမ်းနဲ့ပေါင်းပြီး ဒဏ်ရိုတ်တာဗျ။ အဲလိုဒဏ်ရိုက်ခံရတာ လူတော်တော်များနေပြီ” ဟု ပြောသည်။
ထို့ပြင် သုံးပင်းကွင်း ရပ်ကွက်အုပ်ချုပ်ရေးမှူးသည် အဆိုပါရပ်ကွက်ရှိ မှတ်ပုံတင်ပြုလုပ်လိုသူများကိုလည်း မှတ်ပုံတင်အတွက် ဓါတ်ပုံခကိုလည်း ကျပ်ငွေ ၁၀၀၀ ကောက်ယူတာမျိုးလည်း ပြုလုပ်ခဲ့ကြောင်း ဒေသခံများက ပြောသည်။
သုံးပင်းကွင်းရပ်ကွက်သူ/သားများ ရပ်ကွက်အုပ်ချုပ်ရေးမှူး၏ မတရာသည့် လုပ်ရပ်များကြောင့် မခံမရပ်နိုင်ဖြစ်နေရသလို သာမန်ပြည်သူအရပ်သားများ၏ လုံခြုံရေးကိုလည်း အာဏာပိုင်များကိုယ်တိုင် ခြိမ်းခြောက်နေသည့် ဖြစ်စဉ်များလည်း ဖြစ်ပွားလျက်ရှိကြောင်း သုံးပင်းကွင်းရပ်ကွက်သားတဦးက “ကျနော်တို့ရပ်ကွက်ထဲကပဲ ဦးအုန်းရွှေကို ပြီးခဲ့တဲ့ (၇)လပိုင်းကတည်းက ရဲစခန်းက ခေါ်ပြီးစစ်မေးနေတာ ခုချိန်ထိပဲ တချို့ရက်တွေမှာဆို တနေကုန်ခေါ်စစ်ခံနေရတာ ဘာမှလည်းမဟုတ်ပဲနဲ့ အာဏာပိုင်တွေဘက်က အကြောင်းပြတာက နိုင်ငံရေးလှုပ်ဆော်စာ ဖြန့်တယ်လို့ ထင်တဲ့အတွက် မသင်္ကာလို့ဆွဲတာတဲ့ အဲဒါ ဟင်္သာတရဲစခန်းက ဒုရဲအုပ်တွေ တလှည့်စီ စစ်မေးတာခံနေရတယ်ဗျ” ဟု ပြောသည်။
ဟင်္သာတမြို့ပေါ်တွင် နိုင်ငံရေလှုပ်ဆော်စာဖြန့်ဝေသည့် သတင်းများထွက်ပေါ်ခြင်းလည်းမရှိပဲ အခုလို သာမန်အရပ်သားတဦးကို ရက်ရှည်ခေါ်ယူစစ်မေးခြင်းသည့် ဒီမိုကရေစီကို ဖော်ဆောင်နေသည့် အစိုးရသစ်လက်ထက်တွင် အာဏာရှိသူကိုယ်တိုင်က လူ့အခွင့်အရေးကို ချိုးဖောက်နေသည့် လုပ်ရပ်များ လုပ်ဆောင်နေကြသည်။
ပန်းတိုင်
No comments:
Post a Comment